Со поените на Двејн Вејд на 0.1 секунди до крајот, Мајами славеше над Индијана со 93:91 во продолжението.
Домаќините имаа негатива од пет поени на две минути до крајот на продолжението, се вратија во мечот со тројката на Леброн Џејмс и поените на Крис Бош, а на крајот Вејд да ги реши Пејсерси, со поените на 0.1 секунди.
„Ова е мојот дом“, викаше популарниот „Флеш“, а потоа во салата снема светло.
„Со постигнатите поени ги угаси и Пејсерси и светлото“, коментираше Бош.
Вејд мечот го заврши со 28 поени, Џејмс придодаде 27, а Бош имаше 13 коша за Мајами, кои ја продолжија серијата од 12 последователни победи на домашен терен.
Кај Индијана, Дени Грејнџер заврши со 19 поени.
Без повредениот Рики Рубио, за кого оваа сезона е завршена по тешката повреда (скинати лигаменти на левото колено), Минесота загуби на домашен терен од Њу Орлеанс со 89:95.
Крис Кајман уфрли 20 поени, а Џарет Џек оствари 17 коша и седум асистенции за Хорнертси, кои ја прекинаа серијата од четири порази по ред.
Кевин Лов се врати на теренот по повредата на грбот, но не беа доволни неговите 31 поен и 16 скока. Никола Пековиќ имаше дабл-дабл од 21 поен и 11 скока.
Шампионот Далас го претрпе седмиот пораз во низа на гости, откако убедливо загубија од Голден Стејт со 111:87.
Дејвид Ли постигна 25 поени, а Нејт Робинсон беше стрелец на 21 поен, додека во редовите на Маверикси најефикасен беше Дирк Новицки со 22 коша.
Голден Стејт - Далас 111:87 Рекордери на денот :
Феникс - Мемфис 98:91 Поени : Џејмс Харден (33)
Чикаго - Јута 111:97 Асистенции : Стив Неш (15)
Оклахома - Шарлот 122:95 Скокови : Кевин Лав (16)
Њу Џерси - Хјустон 106:112 Украдени топки : Пол Џорџ (4)
Минесота - Њу Орлеанс 89:95 Блокови : Робин Лопез (3)
Мајами - Индијана 93:91 (продолжение)
Детроит - Торонто 105:86
Вашингтон - Портланд 99:110
